søndag 2. september 2012

Røldalsfjellet vest 31.aug - 2.sept


Trass i skumle vermeldingar for helga sette eg kursen mot Seljestadtraktene og fjellområda der etter jobb på fredag. Bilen blei parkert ved Korlevoll, og så bar det eit par timar innover til den planlagde destinasjonen. Fint og varmt ver. Vel framme lokaliserte eg ein heilt grei teltplass. Ein veldig fin seinsommarkveld etterkvart. Også myggen var godt med på notene, men det er vel heldigvis snart på den sesongen no. Fullmåne og uvanleg stille når mørkret senka seg. Ein av dei finare fjellkveldane i år kan det vel konkluderast med.

Røldalsfjellet
Snart haust..
Teltet på plass
...etterkvart dukka månen opp...
Laurdagen gjekk i passe sakte fjelltempo med litt fisking, trasking i området og generell avslapping. Ein må tole å møte folk her, det er eit polulært område som har ein del ferdsel. Eg traff både fiskarar og molteplukkarar. Ei lirype blei høyrt, håper for dens del at den overlever den nært foreståande rypejakta. Litt opp i fjellet traff eg ein spurvehauk som hadde forvilla seg til fjells, noko som skjer i blant. Etter vermeldinga å dømmeskulle regnet komme tidlig på ettermiddagen, men heldigvis kom det ikkje nedbør av betydning før det blei mørkt. Då blei det til gjengjeld store nedbørsmengder og kraftige vindkast utover natta. På søndagsmorgonen pakka eg i saman ganske tidleg, då sivilisasjonen lokka med favorittlaget på tv utpå ettermiddagen. Skylaget sprakk opp og det blei ein time med opplett før regnet igjen kom då eg nærma meg bilen. Eit flott område, som nok med fordel også kan tåle eit besøk tidleg på sommaren rett etter at isen har gått.

Stille morgon til fjells

Er det her storauren gøymer seg?

Latmannsfiske som etterkvart gir resultat....
..middagen sikra og vel så det
Moltesesongen er i gong
Ein liten fosseidyll
Fleire haustteikn
Regn og atter regn tidleg på søndagsmorgon

Betre ver då eg pakka saman på føremiddagen

Eit fossefall som kraftselskapa ennå ikkje har fått kloa i

4 kommentarer:

  1. Ja, det er flott der oppe! Flott fisk du har fått i kjente vann. Flotte bilder!! Litt misunnelig!

    :)

    SvarSlett
  2. lengte te fjells når eg ser disse bildene og leser om moltene. ser kjempeflott ut der oppe! e

    SvarSlett
  3. Flotte bilder og fin ørret! :-)

    SvarSlett
  4. Takk for kommentarer! Med bittelitt godvilje kan det karakteriserast som ein kilosfisk, og det er sjeldan kost for underteikna. Fin plass ja, relativt lett tilgjengeleg.

    SvarSlett